Byggðarráð Norðurþings

Fyrir byggðarráði liggja drög að samkomulag milli heilbrigðisráðuneytis og Dvalarheimilis aldraðra í Þingeyjarsýslu um flutning á þjónustu Dvalarheimilis aldraðra til Heilbrigðisstofnunar Norðurlands. Á fundinn mætir Bergur Elías Ágústsson formaður stjórnar Dvalarheimilis aldraðra sf.

Fyrir byggðarráði liggur erindi frá Skotfélagi Húsavíkur. Skotfélagið fer þess á leit við Norðurþing að það hlutist til um að koma rafstreng ásamt ljósleiðara á svæði féagsins sem fyrst. Fyrirhugað er að hita húsin með varmadælum sem er vænlegur og ódýr kostur. Á fundinn mæta fulltrúar frá Skotfélagi Húsavíkur.

Fyrir byggðarráði verða kynntar forsendur graskögglaverksmiðju við Húsavík, á fundinn mæta fulltrúar aðila sem standa að verkefninu.

Fyrir byggðarráði liggur ósk frá Landsvirkjun eftir því að hefja samtal við Norðurþing um rannsóknir á svæði ofan við iðnaðarsvæðið á Bakka sem liggur norðaustan við Húsavíkurfjall til uppbyggingar vindorkuvers og samninga því tengdu.

Fyrir byggðarráði liggja drög að viljayfirlýsingu vegna lóðar á Húsavíkurhöfða á milli Arctic Adventures hf. og Norðurþings.

Fyrir byggðaráði liggja uppfærðar innkaupareglur og innkaupastefna Norðurþings.

Fyrir byggðarráði liggja upplýsingar um þátttöku nágranna sveitarfélaga í umframkostnaði í málaflokki fatlaðra vegna ársins 2021.

Innviðaráðherra hefur nú auglýst eftir umsóknum um framlög sem veitt eru á grundvelli stefnumótandi byggðaáætlunar fyrir árin 2022-2036 vegna verkefna sem tengjast aðgerð C.1 Sértæk verkefni sóknaráætlanasvæða.

Líkt og áður eru það aðeins landshlutasamtök sveitarfélaga sem geta sótt um framlög, í samstarfi við haghafa í hverjum landshluta, vegna verkefna sem nýtast einstökum svæðum eða byggðarlögum innan landshlutans eða landshlutanum í heild.

Umsóknarfrestur er til miðnættis föstudagsins 20. janúar 2023.

Þann 11. október samþykkti Byggðarráð að auglýst yrði eftir verkefnastjóra fyrir Grænan iðngarð á Bakka. Starfið er samstarfsverkefni kostað af Norðurþingi og Eimi.

Í nóvember auglýstu Norðurþing og Eimur eftir verkefnastjóra fyrir Grænan iðngarð á Bakka. Sveitarstjóri upplýsti um feril málsins en umsóknarfrestur rann út 28. nóvember. Alls sóttu 15 um starfið. Úrvinnsla umsókna var unnin í samstarfi við Mögnum. Verið er að ganga frá ráðningu í starfið og verður upplýst um niðurstöðu á heimasíðu Norðurþings í framhaldinu.

Fyrir byggðarrráði liggja upplýsingar um útsvarstekjur og rekstur vegna nóvember mánaðar.

Fyrir byggðarráði liggur til kynningar staða á uppsöfnuðu orlofi starfsfólks Norðurþings.

Fyrir byggðarráði liggur að taka afsöðu til tilboða er bárust í endurskoðun aðalskipulags Norðurþings.

Skipulags- og framkvæmdaráð bókaði á 141. fundi þann 29. nóvember sl.;Skipulags- og framkvæmdaráð leggur til við byggðarráð að tilboði lægstbjóðanda, verkfræðistofunnar Eflu, verði tekið.

Á 408. fundi byggðarráðs var eftirfarandi bókað um málið:

Byggðarráð felur sveitarstjóra að taka saman lista um fjölda einstaklinga og skilgreina um hvaða nefndir og stjórnir ræðir, kostnaðargreina og leggja fyrir ráðið að nýju.

Nú liggur fyrir byggðarráði frekari upplýsingar um málið.

Fyrir byggðarráði liggur til kynningar staða á vinnu SSNE vegna almenningssamgagna.
Síðasta árið hefur SSNE unnið að því að finna leiðir til að koma aftur á almenningssamgöngum á austursvæðinu, þ.e frá Húsavík og til Þórshafnar, en þeirri akstursleið var hætt árið 2017. Sú vinna hefur m.a. snúið að mögulegri samþættingu farm- og farþegaflutninga og er það verkefni í vinnslu.

Fyrir byggðarráði liggja drög að reglum um varðveislu og eyðingu á skjölum úr fjárhagsbókhaldi til afhendingaskyldra aðila.

Fyrir byggðarráði liggur beiðni um styrk vegna Tónkvíslar árið 2023.

Fyrir byggðarráði liggur bréf frá Íslandspósti dags. 2. desember 2021, um afendingu almennra bréfa í póstbox á Kópaskeri, tilraunaverkefni.

Fyrir byggðarráði liggur að taka afstöðu um forkaupsrétt á skipi Nönnu Ósk ÞH 333 s.s.k. 2379.
Þar sem um þilskip (dekkað skip) er að ræða og verið er að selja skip milli sveitarfélaga á neðangreint sveitarfélag forkaupsrétt á skipinu. Skipið er í 0. flokki og án veiðiheimilda.

Fyrirhugað er að opnunartími stjórnsýsluhúsa Norðurþings verði skertur á milli jóla og nýárs. Fyrirkomulagið verður auglýst á vefsíðu sveitarfélagsins.

Stjórnskipulag og skipurit Norðurþings var kynnt á síðasta fundi sveitarstjórnar þann 1. desember sl.

Fyrir byggðarráði liggur bréf frá Samtökum um verndun í og við Skjálfanda.

Fyrir byggðarráði liggur fundargerð 44. fundar SSNE frá 16. nóvember sl.

Fyrir byggðarráði liggur til kynningar fundargerð DA sf. frá 24. nóvember sl.

Fyrir byggðarráði liggur fundargerð Hverfisráðs Raufarhafnar frá 28. nóvember sl.

Fyrir byggðarráði liggur fundargerð 7. fundar Húsavíkur frá 6. desember sl.

Fyrir byggðarráði liggur til kynningar fundargerð aðalfundar Samtaka orkusveitarfélaga sem haldin var 11. nóvember sl. ásamt skýrslu stjórnar.

Fyrir byggðarráði liggur fundargerð Samtaka orkusveitarfélaga frá 53. fundi haldin þann 11. nóvember sl.

Fyri byggðarráði liggur til kynningar fundargerð 915. fundar Sambands íslenskra sveitarfélaga haldin þann 25. nóvember sl.

Efnahags- og viðskiptanefnd Alþingis: Til umsagnar frumvarp til laga um breytingu á lögum um tekjustofna sveitarfélaga, nr. 4/1995 (gjaldstofn fasteignaskatts), 63. mál.

Þess er óskað að undirrituð umsögn berist eigi síðar en 12. desember nk.

Fyrir byggðarráði liggur að veita umsögn um tímabundið áfengisleyfi vegna dansleikjar þann 16. desemer nk.
Umsækjandi: Bjarmaland veitingar ehf., kt. 550616-1220, Hveravöllum.
Ábyrgðarmaður: Heiðbjört Þóra Ólafsdóttir, Hveravellir 1, 641 Húsavík.
Staðsetning skemmtanahalds: Heiðarbær í Reykjahverfi, 641 Húsavík.
Tilefni skemmtanahalds: Dansleikur með Færibandinu.
Áætlaður gestafjöldi: 180. Áætluð aldursdreifing gesta: Frá 18 ára aldri.
Tímasetning viðburðar: 16. desember 2022 frá kl. 22:00 til kl. 03:00 aðfararnótt 17. desember 2022.