Aðalskipulag Norðurþings 2025-2045

Hrafnhildur Brynjólfsdóttir og Sigmar Metúsalemsson hjá Eflu kynntu stöðu skipulagslýsingar vegna endurskoðunar aðalskipulags Norðurþings.

Hrafnhildur Brynjólfsdóttir skipulagsráðgjafi og Anna Bragadóttir frá Eflu kynntu stöðu skipulagslýsingar.

Fyrir liggur tillaga að skipulags- og matslýsingu fyrir endurskoðun aðalskipulags Norðurþings.

Á 164. fundi skipulags- og framkvæmdaráðs var eftirfarandi bókað: Skipulags- og framkvæmdaráð leggur til við sveitarstjórn að skipulagsfulltrúa verði falið að annast kynningu skipulagslýsingar til samræmis við ákvæði skipulagslaga. M.a. skuli kynning fela í sér íbúafundi á Húsavík, Kópaskeri og Raufarhöfn.

Unnið er að endurskoðun aðalskipulags Norðurþings 2025-2045.

Fyrir stjórn Hafnasjóðs liggur að gefa upplýsingar inn í þá vinnu um breytingar og viðbætur sem eru fyrirhugaðar á hafnarsvæðunum á Húsavík, Kópaskeri og Raufarhöfn á næstu 20 árum.

Hrafnhildur Brynjólfsdóttir og Ásgeir Jónsson hjá Eflu kynntu fyrirliggjandi vinnslutillögu Aðalskipulags Norðurþings 2025-2045.

Fyrir liggur vinnslutillaga skipulagsráðgjafa hjá Eflu að endurskoðuðu aðalskipulagi Norðurþings 2025-2045. Framlögð gögn eru greinargerð aðalskipulags, umhverfismatsskýrsla og aðalskipulagsuppdrættir. Ennfremur fylgja greinargerðir vegna umfjöllunar um landbúnaðarland og vegi í náttúru Íslands auk uppdrátta þeim fylgjandi.

Hrafnhildur Brynjólfsdóttir og Íris Stefánsdóttir, skipulagsráðgjafar Eflu, mættu á fundinn til að ræða kynningu á vinnslutillögu aðalskipulags á íbúafundum sveitarfélagsins.

Nú er lokið kynningartíma vinnslutillögu aðalskipulags. Hátt í 70 umsagnir bárust sem aðgengilegar eru á skipulagsgátt Skipulagsstofnunar.

Fyrir stjórn Hafnasjóðs liggur að fara yfir mál tengd skipulagsmálum á höfnum Norðurþings sem koma að aðalskipulagi Norðurþings 2025-2045.

Frá því athugasemdafrestur rann út vegna vinnslutillögu aðalskipulags hafa borist fáeinar umsagnir til viðbótar, m.a. frá Hafrannsóknarstofnun, Veðurstofu Íslands, Skipulagsstofnun og Hafnarstjórn Norðurþings. Skipulagsfulltrúi kynnti þær athugasemdir sem borist hafa frá síðustu umfjöllun.

Fyrir stjórn Hafnasjóðs liggur að fara yfir mál tengd skipulagsmálum á höfnum Norðurþings sem koma að aðalskipulagi Norðurþings 2025-2045.

Á 32. fundi stjórnar Hafnasjóðs Norðurþings var eftirfarandi bókað:
Stjórn Hafnarsjóðs leggur áherslu á að athafnarsvæði Húsavíkurhafnar í nýju aðalskipulagi verði afmarkað norður fyrir Forvaða sem er syðst í Bakkakrók, vegna áforma um frekari uppbyggingu á iðnaðarsvæðinu á Bakka. Í núverandi vinnslutillögu er hverfisvernd afmörkuð á þessu svæði.

Ráðið vísar málinu til skipulags- og framkvæmdaráðs.