Skipulags- og framkvæmdaráð

Böðvar Bjarnason og Garðar Héðinsson komu á fundinn f.h. áhugahóps um uppbyggingu á útivistarsvæði við Reyðarárhnjúk og kynntu fyrirhugaða uppsetningu á skíðalyftu á svæðinu.

Gerð hefur verið gróf útboðslýsing vegna fyrirliggjandi útboðs snjómoksturs í þéttbýliskjörnum Norðurþings.
Falli sú lýsing að hugmyndum kjörinna fulltrúa um fyrirkomulag snjómoksturs, verður þeim drögum komið til frekari vinnslu og formun þeirra útboðsgagna sem lögð verða til grundvallar við útboð.

Lagt er til að gerðir verði eftirfarandi samningar um snjómokstur í Norðurþingi.
1. Samningur um snjómokstur í þéttbýli Húsavíkur og Hrísateigs.
2. Samningur um snjómokstur í þéttbýli Kópaskers.
3. Samningur um snjómokstur vegna skólaaksturs í Reykjahverfi (ef við á)
4. Samningur um snjómokstur vegna skólaaksturs í Kelduhverfi (ef við á).
5. Samningur um snjómokstur vegna skólaaksturs í Öxarfirði (ef við á).
6. Samningur um snjómokstur vegna skólaaksturs á Melrakkasléttu (ef við á).

Á hverju ári taka milljónir barna í yfir 40 löndum víðs vegar um heiminn þátt í Göngum í skólann með einum eða öðrum hætti. Hér á landi hefur þátttakan vaxið jafnt og þétt og fyrsta árið voru þátttökuskólarnir 26 en alls 73 skólar skráðu sig til leiks árið 2018.
Æskilegt er að tryggt sé að göngu- og hjólreiðastígar séu öruggir og greiðir með því að huga að hreinsun, viðhaldi og lýsingu. Jafnframt er nauðsynlegt að stuðla að því að nærumhverfi skólanna sé öruggt eftir því sem við á t.d. með því að takmarka bílaumferð við skóla, huga að merkingum við t.d. gangbrautir og tryggja öryggi vegfarenda við umferðarþungar götur.

Fyrir liggur umsókn frá Mónakó sf um nýtingu lands norðan Kópaskers til ræktunar grænmetis.

Í fjárhagsáætlun 2017 og í framkvæmdaáætlun fyrir sama ár var ákveðið að kaupa og setja upp rennibraut við Sundlaug Húsavíkur. Það er mikilvægt að greina verkið m.t.t. til stjórnsýslu og fjármála. Ljóst er að verkið hefur farið umtalsvert mikið fram úr áætlun og mikilvægt að nota þetta verkefni til að læra af því. Sömuleiðis verði kannað og því fylgt eftir í úttektinni hvaða stjórnsýslulegu leið málið fékk og með hvaða hætti.

Stefnt hefur verið að átaki í umferðarmerkingum í Norðurþingi um allnokkurt skeið, en skortur á ákvörðun kjörinna fulltrúa varðandi hámarkshraða í þéttbýli stendur í vegi fyrir því að hægt sé að hefja þá vinnu.
Óskað er afgerandi afstöðu ráðsins til hámarkshraða innan þéttbýlis í Norðurþingi.

Senn líður að því að ný slökkvistöð að Norðurgarði 5 verði afhent Slökkviliði Norðurþings til afnota. Verkefnastjóri framkvæmdasviðs óskar eftir söluheimild vegna núverandi slökkvistöðvar Norðurþings á Húsavík sem staðsett er að Höfða 20.

Á 300. fundi byggðarráðs var eftirfarandið vísað til skipulags- og framkvæmdaráðs:

7. fundur hverfisráðs Kelduhverfis 27. maí 2019.
Flokkun lífræns sorps í Kelduhverfi.
Þar sem ekki er fyrirhugað að taka við lífrænum úrgangi frá heimilum skv. núverandi skipulagi sorphirðu, óskar hverfisráð eftir því við sveitarstjórn að hún verði íbúum dreifbýlis innan handar með heimajarðgerð, til hagsbóta fyrir bæði íbúa og sveitarfélagið. Það getur t.d. verið í formi fræðslu og magninnkaupa á jarðgerðarílátum.

8. fundur hverfisráðs Kelduhverfis 27. ágúst 2019.
Sorphirða í Kelduhverfi.
Hverfisráð Kelduhverfis ítrekar ósk sína sem kom fram í fundargerð hverfisráðs 27. maí s.l., um lífrænan úrgang og heimajarðgerð. Enn fremur viljum við benda sveitarstjórn á að flokkunartunnur, sem í allra síðasta lagi áttu að koma í júní s.l., eru ekki enn komnar. Hvetur hverfisráð sveitarfélagið á að hrinda þessu í framkvæmd sem allra fyrst.

Sótt hefur verið um fjármagn í sjóvarnarsjóð til sjóvarna við suðurfjöruveg, til norðurs frá verkmörkum yfirstandandi uppbyggingar garðsins neðan við sláturhús Norðlenska.
Í tengslum við það verkefni hefur einnig verið kallað eftir hönnun suðurfjöruvegar frá gatnamótum við þjóðveg 85 til suðurs, að Búðarárgili til norðurs.

Fyrir liggur uppfærð og endurnýjuð kostnaðaráætlun í niðurrif ónýtra eigna á SR-lóðinni á Raufarhöfn.
Taka þarf afstöðu til áætlunarinnar, skoða möguleika til áfangaskiptingar og kostnaðarlegrar hagræðingar ásamt því að ákvarða tímalínu verkefnisins.

Fyrir liggja hönnunargögn og kostnaðaráætlun vegna fyrirhugaðra framkvæmda við Reykjaheiðarveg.
Óskað er ákvörðunar um tímasetningar útboðs og áætlaðan framkvæmdatíma verksins.

Yfirferð framkvæmdaáætlunar framkvæmdasvið vegna yfirstandandi rekstrarárs.

Fyrir skipulags- og framkvæmdaráði liggur að taka ákvarðanir um þær framkvæmdir og fjárfestingar sem stefna beri að árið 2020.

Á fundi byggðarráðs þann 5. september var samþykkt úthlutun fjárhagsramma vegna fjárhagsáætlunar 2020. Á fundinum var bókað;

"Byggðarráð vísar fjárhagsrömmum með áorðnum breytingum á fundinum til umfjöllunar í ráðum sveitarfélagsins."

Fundargerðir 414. fundar hafnasambandsins,15. og 16. fundargerð Siglingaráðs og samantekt 1. fundar Fiskistofu og Hafnasambands Íslands.

Fyrir liggja hugmyndir að breytingu aðalskipulags og nýju deiliskipulagi vegna fyrirhugaðs fiskeldis á Röndinni á Kópaskeri. Skipulags- og byggingarfulltrúi kynnti hugmyndirnar.

Nú liggur fyrir hugmynd að deiliskipulagi fyrir uppbyggingu fiskeldis á Röndinni á Kópaskeri. Tillagan er unnin af Ómari Ívarssyni hjá Landslagi. Skipulags- og Byggingarfulltrúi kynnti hugmyndirnar.

Nú er lokið kynningu á tillögu að breytingu aðalskipulags vegna fyrirhugaðrar hótelbyggingar á Húsavíkurhöfða.

Umsagnir og athugasemdir bárust frá:Umhverfisstofnun (UST), Náttúrufræðistofnun (NÍ), Veðurstofu Íslands (VÍ), Vegagerðinni, Minjastofnun og Heilbrigðiseftirliti Norðurlands eystra (HNE).
1) UST bendir á að strandsvæðið er á tillögu NÍ að framkvæmdaáætlun Náttúruminjaskrár. NÍ leggur þar til að fjörum og grunnsævi verði ekki raskað. UST telur mikilvægt að allar byggingar falli eins vel að umhverfi og kostur er. UST bendir á að nálægð við iðnaðarsvæði á Bakka og hafnarsvæði Húsavíkur geti haft áhrif á loftgæði og hljóðvist á hótellóð og telur mikilvægt að skoða þá þætti við skipulagsvinnuna. Loks minnir UST á ákvæði skipulagareglugerðar um aðgengi almennings að vötnum og sjó.
2) NÍ metur það sem svo að fyrirhugaðar framkvæmdir við uppbyggingu hótels séu ekki líklegar til að hafa verulega neikvæð áhrif á mikilvæg fuglasvæði og/eða fugl í bjarginu en þó verði að framkvæmda með aðgát til að lágmarka rask. NÍ minnir á ákvæði skipulagsreglugerðar um aðgengi almennings að vötnum og sjó og jarðskjálftahættu við Húsavík.
3) VÍ bendir á að hönnunarhröðun vegna jarðskjálfta er rangt skilgreind í greinargerð og leggur jafnframt til að felld verði inn í greinargerð skipulagsins setning um að við hönnun mannvirkja verði sérstaklega tekið tillit til nærsviðsáhrifa í sterkum jarðskjálftum.
4) Vegagerðin gerir ekki athugasemd við framlagða tillögu en ítrekar umsögn sína við skipulagslýsingu.
5) Minjastofnun gerir ekki athugasemdir við skipulagstillöguna en minnir á 2. mgr. 24. gr. laga um menningarminjar.
6) HNE gerir ekki athugasemdir við skipulagsbreytingu.

Nú er lokið kynningu á tillögu að breyttu deiliskipulagi vegna fyrirhugaðrar hótelbyggingar á Húsavíkurhöfða.

Umsagnir og athugasemdir bárust frá:Umhverfisstofnun (UST), Náttúrufræðistofnun (NÍ), Veðurstofu Íslands (VÍ), Vegagerðinni, Minjastofnun og Heilbrigðiseftirliti Norðurlands eystra (HNE).
1) UST bendir á að strandsvæðið er á tillögu NÍ að framkvæmdaáætlun Náttúruminjaskrár. NÍ leggur þar til að fjörum og grunnsævi verði ekki raskað. UST telur mikilvægt að allar byggingar falli eins vel að umhverfi og kostur er. UST bendir á að nálægð við iðnaðarsvæði á Bakka og hafnarsvæði Húsavíkur geti haft áhrif á loftgæði og hljóðvist á hótellóð og telur mikilvægt að skoða þá þætti við skipulagsvinnuna. Loks minnir UST á ákvæði skipulagsreglugerðar um aðgengi almennings að vötnum og sjó.
2) NÍ metur það sem svo að fyrirhugaðar framkvæmdir við uppbyggingu hótels séu ekki líklegar til að hafa verulega neikvæð áhrif á mikilvæg fuglasvæði og/eða fugl í bjarginu en þó verði að framkvæmda með aðgát til að lágmarka rask. NÍ minnir á ákvæði skipulagsreglugerðar um aðgengi almennings að vötnum og sjó og jarðskjálftahættu við Húsavík.
3) VÍ bendir á að hönnunarhröðun vegna jarðskjálfta er rangt skilgreind í greinargerð og leggur jafnframt til að felld verði inn í greinargerð skipulagsins setning um að við hönnun mannvirkja verði sérstaklega tekið tillit til nærsviðsáhrifa í sterkum jarðskjálftum.
4) Vegagerðin gerir ekki athugasemd við framlagða tillögu en ítrekar umsögn sína við skipulagslýsingu.
5) Minjastofnun gerir ekki athugasemdir við skipulagstillöguna en minnir á 2. mgr. 24. gr. laga um menningarminjar.
6) HNE gerir ekki athugasemdir við skipulagsbreytingu.

Stracta Construction ehf óskar eftir byggingarleyfi fyrir sjö gistiskálum við Dvergabakka sem vari til 1. júlí 2020.

Finnbogi Gunnarsson óskar eftir leyfi til að setja upp listaverk á lóð Aðalbrautar 24 á Raufarhöfn. Verkið yrði um 3-4 m á hæð. Meðfylgjandi erindi er teikning af fyrirhuguðu verki sem og samþykki lóðarhafa fyrir uppsetningu þess.

Helgi Ólafsson Óskar eftir leyfi til að setja upp skilti þar sem áður stóð Gamla Búðin á Raufarhöfn. Á skiltinu komi fram helstu upplýsingar um húsið og íbúa þess. Ennfremur er þess óskað að sveitarfélagið aðstoði við uppsetningu skiltisins.