Fréttir

Hér má sjá opnunartíma stofnana yfir hátíðirnar.

Leikskólinn Grænuvellir á Húsavík er 8 deilda leikskóli í grónu hverfi á Húsavík þar sem stutt er í náttúru, skóg, fjöru og Skrúðgarð.

Norðurþing og Heidelberg hafa undirritað viljayfirlýsingu í tengslum við uppbyggingu á Bakka.

Frístund á húsavík auglýsir eftir frístundaleiðbeinendum í 50% starfshlutfall.

Fjárhagsáætlun Norðurþings fyrir árin 2026-2029 er nú lögð fram til síðari umræðu í sveitarstjórn Norðurþings 11. desember 2025 í samræmi við samþykkt ferli við afgreiðslu fjárhagsáætlunar. Áætlunin var lögð fram í byggðarráði 23. október 2025 og vísað til fyrri umræðu í sveitarstjórn samkvæmt 3. mgr. 62. gr. sveitarstjórnarlaga nr. 138/2011. Fyrri umræða í sveitarstjórn fór fram þann 13. nóvember 2025.

Fyrirhugaður er 159. fundur sveitarstjórnar Norðurþings, fimmtudaginn 11. desember nk. kl. 13:00 í Orkustöðinni á Húsavík, Hrísmóum 1.

Talsvert mikil aukning var í fjölda farþega sem fóru í hvalaskoðun frá Húsavík á árinu 2025 sem senn er liðið. Alls fóru um 140 þúsund manns í hvalaskoðunarferðir frá Húsavík á árinu 2025 sem er um 24% aukning frá fyrra ári.

Frá árinu 2023 hafa sveitarfélög borið ábyrgð á því að safna fötum, skóm og öðrum textíl sem íbúar vilja losa sig við. Söfnun, flutningur og önnur meðhöndlun á þessum úrgangi hefur reynst sveitarfélögunum mjög íþyngjandi og kostnaðarsöm, sérstaklega þegar lítil eftirspurn er eftir notuðum fatnaði og hann því verðlaus. Að losa sig við notuð föt er oftast ekki góðverk. Verulega lítil eftirspurn er eftir textíl sem þróunaraðstoð og hafa mörg ríki utan Evrópu hætt við að taka á móti textíl.

Hinn árlegi jólamarkaður Miðjunnar verður haldinn í framsýnarsalnum fimmtudaginn 4.des frá 15:00-19:00. Jólamarkaðurinn er helsta fjáröflun fyrir félagsstarf Miðjunnar. Á markaðnum verður ýmislegt til sölu eins og listaverk, kerti, tuskur, brjóstsykur, þristagott rúgbrauð, merkispjöld og fleira.

Alþjóðadagur fatlaðs fólks verður haldinn um allan heim þann 3. desember nk. Fyrsti alþjóðadagurinn var haldinn árið 1992 af Sameinuðu þjóðunum en markmið dagsins er að efla skilning á málefnum fatlaðs fólks og ýta undir stuðning við reisn, réttindi og velferð þess. Jafnframt að auka vitund um þann ávinning sem hlýst af þátttöku fatlaðs fólks á öllum sviðum samfélagsins – stjórnmála-, félags-, efnahags- og menningarlífs.

Nú standa yfir boranir á hitastigulsholum í nágrenni Húsavíkur á vegum Orkuveitu Húsavíkur.

Eimur, Norðurþing, Landsvirkjun og Íslandsstofa stóðu fyrir opinni ráðstefnu á Fosshótel Húsavík fimmtudaginn 20. nóvember, s.l. Yfirskrift ráðstefnunnar var „Framtíðin á Bakka – Samvinna, sjálfbærni og sóknarfæri“, og markmið hennar var að efla umræðu og samstöðu um framtíðarsýn fyrir atvinnuuppbyggingu á Bakka við Húsavík og á öllu Norðurlandi.