Fréttir

Rekstrarstöðvun PCC á Bakka hefur víðtæk áhrif í samfélaginu á Húsavík og nágrenni. Á það við um starfsfólk fyrirtækisins, viðskiptaaðila þess og sveitarfélagið. Í ljósi þess vill sveitarfélagið Norðurþing reyna að meta umfang þessara áhrifa og kanna möguleg viðbrögð fyrirtækja, m.a. til að meta hvernig best sé að bregðast við ástandinu.

Fyrirhugaður er 157. fundur sveitarstjórnar Norðurþings, fimmtudaginn 9. október nk. kl. 13:00 í Safnahúsinu á Húsavík (sjóminjasafninu), Stóragarði 17.

Í dag reisir Landsvirkjun 100m hátt veðurmastur vegna vindmælinga við Reyðará austan Húsavíkurfjalls. Markmiðið með mælingunum er að mæla veðurfarslega þætti til að styðja við rannsóknir á vindorkunýtingu á svæðinu. Mælibúnaður verður staðsettur á mismunandi hæðum á mastrinu.

Frá hausti 2018 hefur þeim heimilum sem njóta félagslegrar heimaþjónustu staðið til boða hreyfitími í Hvammi, klukkustund á viku undir leiðsögn sjúkraþjálfara. Til aðstoðar í tímunum eru einnig starfsmenn Norðurþings sem sinna félagslegri heimaþjónustu.

Norðurþing sveitarfélag auglýsir til umsóknar 100% starf stjórnsýslu- og þjónustufulltrúa, staðsett á skrifstofu Norðurþings á Húsavík. Um ótímabundið starf er að ræða og æskilegt að viðkomandi geti hafið störf sem fyrst. 

Lokað er í sorpstöðinni í Víðimóum í dag þriðjudag 30. september.  Það er vegna skipta á þjónustuaðilum en Terra mun taka við sorpþjónustu í Norðurþingi um mánaðarmót. Á morgun verður hefðbundinn opnunartími

Fjarskiptastofa hefur staðfest að 2G og 3G farsímaþjónusta á Íslandi verður aflögð í áföngum og að fullu hætt fyrir árslok 2025.

Menningardagar á Raufarhöfn eru framundan og verða frá 3. - 12. október! 

Kæru íbúar, vegna veðurs er sorpmóttakan í Víðimóum lokuð í dag, föstudaginn 26. september.

Nú eru hafnar framkvæmdir við uppsetningu á  nýjum leikvelli í Breiðulág sem fær nafnið Hólaravöllur. Á leikvellinum verða rólur, niðurgrafin trampolín, gormatæki, skip með tveimur rennibrautum ásamt klifurvegg og fleiri leikjum. Einnig verður ærslabelgur á leikvellinum. Lagður verður göngustígur að leikvelli ásamt hraðahindrun og upplýstri gangbraut yfir Langholt.

Norðurþing tilkynnir að vegna framkvæmda við uppsetningu hraðahindrunar og göngubrautar verður lokað fyrir umferð um Langholt á milli gatnamóta Langholt – Stekkjarholt og við gatnamót Langholt –Lágholt-Lyngholt. Sjá mynd.

Sveitastjórn Norðurþings samþykkti á fundi sínum 21.8.2025 að kynna tillögu að breytingu aðalskipulags Stórshóls – Hjarðarholts á Húsavík, skv. 31. gr. skipulagslaga nr. 123/2010. Skipulags- og framkvæmdaráð Norðurþings samþykkti á fundi sínum 1.7.2025 að auglýsa breytingu deiliskipulags Stórhóls – Hjarðarholts á Húsavík, skv. 2. mgr. 41. gr. skipulagslaga nr. 123/2010.