Borgarhólsskóli leitar eftir áhugasömum og metnaðarfullum kennurum til starfa næsta skólaár. Skólinn er tæplega 300 barna skóli á Húsavík. Þar fer fram metnaðarfullt skólastarf og áhersla er lögð á jákvæð samskipti og samveru. Skólinn nýtir uppeldisstefnuna Jákvæður agi og teymisvinnu.

Skipulags- og framkvæmdaráð Norðurþings samþykkti á fundi sínum 23. mars 2021 að kynna skipulags- og matslýsingu skv. 1. mgr. 40. og 41 gr. skipulagslaga nr. 123/2010 vegna gerðar nýs deiliskipulags fyrir athafnasvæðið A2 að Höfða á Húsavík

Sveitarstjórn Norðurþings samþykkti á fundi sínum þann 16. mars s.l. að auglýsa til almennrar kynningar tillögu að deiliskipulagi fyrir miðbæjarsvæði 7, Útgarð og Pálsgarð á Húsavík. Tillaga að deiliskipulagi fyrir miðbæjarsvæði 7 nær yfir byggingarsvæði í miðbæ Húsavíkur sem afmarkast af Ketilsbraut í vestri, Útgarði í norðri og Pálsgarði í austri og suðri. Eldra deiliskipulag fyrir lóðina Útgarð 4-8 mun falla undir skipulagssvæði þessa nýja skipulags. Stefnt er að frekari uppbyggingu íbúða á svæðinu og því þörf á að vinna heildarskipulag fyrir svæðið. Markmið deiliskipulagsins er að skilgreina lóðir og byggingarmagn á svæðinu auk þess að gera grein fyrir staðsetningu göngustíga, tengingu þeirra við núverandi gangstígakerfi.

Síðan í byrjun mars hefur Norðurþing birt fylgiskjöl með fundargerðum fasta nefnda sveitarfélagsins sem birtast á vef Norðurþings en verklagsreglur þess efnis voru samþykktar á 385. fundi byggðarráðs og staðfestar í sveitarstjórn þann 17. Febrúar 2017.

Norðurþing auglýsir eftir áhugasömum rekstraraðila að sundlauginni í Lundi í Öxarfirði. Rekstrartímabil er frá 1 . júní 2021 31 . ágúst Sundlaugin skal rekin sem almenningslaug með þeim öryggiskröfum sem gilda fyrir sundlaugarmannvirki.

Norðurþing auglýsir eftir áhugasömum aðila um að taka að sér rekstur Heiðarbæjar í Reykjahverfi frá 1. júní 2021 - 15. september 2021.

Hæfingarstöð – Miðjan, sambýlið Pálsgarður og skammtímadvöl – Sólbrekka 28 leita eftir áhugasömum, jákvæðum og liprum einstaklingum til sumarafleysinga. Viðkomandi þarf að vera 20 ára eða eldri. Um er að ræða störf við afleysingar frá og með maí en þó að mestu í júní – ágúst. September gæti staðið til boða. Karlar jafnt sem konur eru hvattir til að sækja um. Nánari upplýsingar um störf gefur Marzenna - forstöðumaður í búsetumálum fatlaðra – marzenna@nordurthing.is eða í síma 464-6100.

Í ljósi neyðarstigs almannavarna vegna COVID-19 mun eftirfarandi gilda um stjórnsýsluhúsið á Húsavík frá og með 25. mars: Opnunartími verður óbreyttur eða frá 09:00-15:00 fyrir almenna móttöku Umgangur um húsið verður þó lágmarkaður, bæði af gestum og starfsfólki Við munum ekki hleypa utanaðkomandi inn í húsið nema í algjörum undantekningartilfellum en hægt verður að koma í móttökuna ef þess þarf. Starfsfólk mun eftir aðstæðum vinna sem mest heima fyrir, mismunandi þó eftir sviðum. Grímuskylda er fyrir þá sem koma inn í húsið - gildir fyrir móttöku sem og inn á skrifstofur.

Hacking Norðurland er lausnamót sem fer fram dagana 15.-18. apríl 2021 á Norðurlandi. Unnið verður með sjálfbæra nýtingu auðlinda svæðisins með tilliti til matar, vatns og orku.

Breytingar á sorphirðu í Dymbilviku: Á Húsavík verður hreinsað mán. 29. og þriðjudaginn 30. mars. Reykjahverfið verður hreinsað mið. 31.mars.